DOHAINTZA EGIN
BOLUNTARIOTZA

Zer egiten dugu?

Aurrez aurreko akonpainamendua

Asteroko elkartze baten bitartez, adineko pertsona batekin harremana ehun ezazu, bere etxean edo egoitzan, hitz egiteko, kafe bat edo paseo bat partekatzeko. Jende gehiago ezagutzeko aukera izango duzue zuen Adinkideko taldean.

Telefono bidezko akonpainamendua

Urruneko laguntza afektiboa adineko pertsonentzat Covid-19aren krisian zehar eta ondoren: hitz egiteko, entretenitzeko eta lagun baten ahotsaren bitartez harremanak sustatzeko.

Gizarteratze ekintzak

Belaunaldien arteko aisialdia taldean, adiskidetasuna areagotzeko: topaketak auzoan, askariak, irteera kulturalak, tailerrak, jaiak, udako oporrak…

Auzokide bikainak

Berreskuratu betidanik izandako auzo-harremanak. Adineko pertsonen eta oraindik ez direnen bakardadea prebenitzeko modurik onena.

Sentsibilizazioa

Zabaldu gure kanpainak: adinekoen eskubideen eta duintasunaren alde; bakardadea eta adinagatiko diskriminazioa elikatzen duten estereotipoen aurka.

AURREZ AURREKO AKONPAINAMENDUA ETA TELEFONO BIDEZKOA

Etxebizitzetan akonpainamendua

Harremanetan jartzen ditugu boluntario diren pertsonak eta bakarrik bizi diren eta bakardade sentimendua duten adinekoak.

Astean behin, bi orduz, hitz egiteko, kafe bat hartzeko, ibiltzera joateko…. elkartzen dira. Pixkanaka beraien arteko lotura afektiboa estutzen eta adiskidetasun harreman bat sortzen joaten da.

Adineko pertsonak gero eta anitzagoak dira. Hala eta guztiz, gehien gailentzen den profila bakarrik bizi den emakumearena da, etxebizitza ez egokitu batean bizi dena, 85 urte baino gehiago eta mugikortasun arazoak dituena. Beraz, konpainia eta boluntarioen laguntza funtsezkoak bihurtzen dira adinekoak bere autoestimua berreskuratzeko, bere egoera fisikoa hobetzeko eta auzoko bizitza sozialari berriro ekiteko.

Egoitzetan akonpainamendua

Bakarrik edo taldean, Adinkideko kide diren boluntarioak astean behin egoitzetara
joaten dira egoitzan bizi diren adineko pertsonak bisitatzera: bizitza soziala areagotzeko eta egoitzetatik irteteko aukera izateko.

Egoitzako talde profesionalarekin elkarlanean, kasu bakoitzera egokitutako konpainia eskaintzen dugu (Pertsona ardatz duen arreta-eredua).

Akonpainamendu puntualak

Erraza dirudi medikuarengana joatea edo paper bat betetzera joatea. Hala ere, artatzen ditugun adineko askorentzat, mugikortasun murriztua dutenentzat eta lagunduko dien inor ez dutenentzat, fisikoki eta animikoki oso zaila izan daiteke.

Horregatik, aurrez aurreko programetako batean parte hartzen duten adinekoek boluntario baten laguntza eska diezagukete aldez aurretik, medikuaren hitzorduren batera edo administrazio-izapideren batera joan behar dutenean. Astean denbora finkoa eskaini ezin duten boluntario batzuentzat boluntariotza egiteko modu malgua da.

Telefono bidezko akonpainamendua

Boluntarioak etxean edo egoitzetan bizi diren adinekoekin harremanetan jartzen ditugu konpainiaz, adiskidetasunaz eta erlazio afektiboaz gozatzeko, distantzia fisiko oro gaindituz.

Espainia osoko adinekoentzat eskuragarri, bizi diren lekuan bizi direla.
Telefono deiak, bideo-deiak… modu goxo batean ere egiten da, esate baterako, gutunak trukatuz. Edozein modu da ona distantziak gainditzeko eta adiskidetasun eta laguntza harreman osasuntsu bat ehuntzeko.

Adineko pertsona, boluntario batekin edo gehiagorekin elkartzen dugu, bere beharren arabera, pixkanaka konfiantzazko eta adiskidetasunezko harremana ezar dezaten. Lagun-egite horrek, lagunartearen onurak ematen dizkio adinekoari, sozializazioa, hitz egiteko ahots lagun bat izatea eta kezkatzen eta ilusionatzen duten gauzak partekatzea, edo, besterik gabe, ihes egitea eta elkarrizketa on batez gozatzea.

AISIALDIA ETA GIZARTERATZEA

Belaunaldien arteko talde-aisialdia errazten dugu, binakako akonpainamendu osagarri gisa.
Topaketak auzoan, askariak, bisita kulturalak, tailerrak (artisau-xaboiak, arteterapia, errealitate birtuala, etab.), Gabonetako jaiak, udako oporraldi egokituak…

Antolatzen ditugun ekintza batzuk dira. Honako ekintzetarako ohikoa da enpresen laguntza izatea: 10 adineko eta 10 langile bolondres.

AUZOKIDE BIKAINAK

Gure auzo-proiektua erreferentea da auzoen kohesioan eta bakardadearen prebentzioan hiri handietan, udalerri txikietan eta landa-eremuetan, bai adineko pertsonen kasuan, bai biztanle gazteenen kasuan.
Bakarrik sentitzen hasten den adinekoaren inguruan, auzo bereko 3 edo 4 bizilaguneko sare bat sortzen dugu, denen artean jarduerak parteka ditzaten: zerbait hartzeko geratzea, elkarrekin erosketak egitea, antzerkira joatea, telefonoz deitzea… baita garai batean bezala mesedeak trukatzea ere (landareak ureztatzea edo posta jasotzea). Talde horiek, era berean, auzo bereko Auzokide Bikainetako partaideekin geratzen dira, auzo-zirkulua handitzeko.
Parte hartu zure auzoan

SENTSIBILIZAZIOA

Zahartzearen irudi estereotipatuaren aurka borrokatzen dugu, gizarteak bidegabeki gaixotasunarekin, ezintasunarekin, aspertzearekin edo gainbeherarekin lotzen duen bizitzaren etapa baten aurka.

Estigma horrek, indibidualismoarekin eta egungo bizi-erritmoarekin batera, adinekoekin harremantzeko errefusa sortzen du, eta horrek areagotu egiten du haien bakardadea eta isolamendua.

Horregatik, adinekoen ikuspegi ahaldundua eta errealista (ez edulkoratua, ez dramatizatua) plazaratzen dugu, ekarpen handia egiten jarraitzen baitute.

Hala islatzen dugu gure sentsibilizazio-kanpainetan, kaleko aldarrikapen-ekitaldietan, sare sozialetan edo informazio-materialaren banaketan. Adinkeriei aurre egiteaz gain, adinekoen tratu paternalista eta asistentzialistari aurre egiten diogu. Ikuspegi tradizional horren ondorioz, gizarteak eta ingurune hurbilenak ume gisa tratatzen ditu adinekoak, eta, ondorioz, haien inguruko erabakiak hartzen dituzte eta oinarrizko eskubideak murrizten
ditu.

Gure kudeaketa garden, iraunkor eta berritzailea onartzen dute: